Prezident İlham Əliyev oktyabrın 21-də keçirdiyi müşavirədə bildirib ki, son doqquz ay ərzində sənayedə 40 faiz artım olub. O, 2003-cü ilin oktyabrından – prezident seçilməsindən bu yana ölkədə 170 min yeni iş yerləri açıldığını da bildirib.
Hökumətin doqquz aylıq hesabatını dinləyən prezident nəticələrdən razı qaldığını deyib. Ölkə başçısı əlavə edib ki, 2007-ci ilin dövlət büdcəsinin gəlirləri 6 milyard manat, xərcləri isə 6,3 milyard manat olacaq. Ordunun ehtiyaclarına çəkilən xərclər isə 1 milyard manatı ötəcək.