-
İslam Dövləti (İD) silahlı qruplaşmasının iki girovun öldürülməsi üçün qoyduğu vaxt bitib. Yapon jurnalist Kenji Goto və iordaniyalı pilot Muath al-Kasaesbeh-in taleyi naməlumdur.
Yaponiya və İordaniya rəsmiləri informasiya əldə etməyə çalışırlar.
Yaponiyanın baş naziri Shinzo Abe yanvarın 30-da parlamentdə deyib ki, hökumət İordaniya və digər ölkələrdən əməkdaşlıq istəyib.
İD yaraqlıları yanvarın 29-da Goto-nun səsi olduğu bildirilən audio yayıb. Həmin yazıda deyilir ki, yanvarın 29-u gün batanadək bir iraqlı əsir qaytarılmasa, pilot öldürüləcək.