-
Ukrayna prezidenti Petro Poroshenko rusiyalı həmkarı Vladimir Putin-i həbsdə olan ukraynalı pilot Nadia Savchenko-nu azadlığa buraxmağa çağırıb.
Savchenko ötən ilin iyununda Ukraynanın şərqində rusiyayönlü separatçılar tərəfindən tutulub və Rusiyaya aparılıb. O, iki rusiyalı jurnalistin öldürülməsinə kömək etməkdə ittiham olunur. Özü ittihamları rədd edir.
Saxlanmasına etiraz edən Savchenko ikinci aydır ki aclıq aksiyası keçirir.
Rusiyada həbsə atılandan sonra Savchenko oktyabrda Ukrayna parlamentinə seçilib.
AŞPA da Rusiyanı pilotu buraxmağa çağırıb.