Oktyabrın 19-da prezident Ilham Əliyev Ramazan bayramı ilə bağlı müsəlman ölkələrinin Azərbaycandakı səfirlərini qəbul edib. Səfirlərin təmsil etdikləri ölkələrlə Azərbaycanın mehriban münasibətləri olduğunu bildirən cənab Əliyev, qeyd edib ki, əməkdaşlıq ikitərəfli əlaqələr üçün olduqca vacibdir. Dağlıq Qarabağ probleminin həllində müsəlman ölkələrinin dəstəyinin çox vacib olduğunu bildirən İ.Əliyev, dəstəyə görə bütün islam dünyasına öz minnətdarlığını bildirib. Prezident deyib ki, müsəlman ölkələri bir-birinə dayaq olmalı, lazım gələn məqamlarda kömək etməlidirlər.