-
Birləşmiş Ştatlar və Britaniya vəd edir ki, islamçı ekstremistlərə qarşı vahid cəbhədə birləşəcəklər. Bunu ABŞ prezidenti Barack Obama və Britaniyanın baş naziri David Cameron bəyan ediblər.
Fransa prezidenti Francois Hollande isə deyib ki, müsəlmanlar "fanatizm, fundamentalizm və dözümsüzlüyün əsas qurbanları"dır. Ötən həftə Parisdə yaraqlılar 17 nəfəri qətlə yetirib.
Obama və Cameron-un imzasıyla yanvarın 15-də Times of London qəzetində dərc olunan məqalədə iki lider dünyanın Paris hücumlarına "bir səslə" cavab verdiyini yazıb.
Almaniya kansleri Angela Merkel isə bildirib ki, islamçı ekstremistlərə qarşı təhlükəsizlik tədbirləri gücləndiriləcək.