Ukrayna prezidenti Petro Poroshenko ölkədə yeni səfərbərlik elan ediləcəyini bəyan edib.
O belə bir bəyanatla yanvarın 13-də Donetskdən gələn sərnişin avtobusunun vurulmasından sonra çıxış edib.
Nəticədə 11 sərnişin həlak olub.
Kiyev avtobusun rusiyapərəst yaraqlılar tərəfindən vurulduğunu deyir, yaraqlılar isə bunu rədd edirlər.
Paoroshenko bildirib ki, o səfərbərliklə bağlı fərman imzalayacaq və ümid edir ki, Ukrayna xalqı bu addımı dəstəkləyəcək.
Amma Poroshenko qeyd edib ki, o Donbasda vəziyyətin dinc yolla həlllinin tərəfdarıdır.