-
Fransanın Alstom SA şirkəti İndoneziyada, Hindistanda, Çində tenderləri udmaq üçün rüşvət verməkdə günahkar bilinir. Buna görə ABŞ Ədliyyə Nazirliyi Alstom SA şirkətinin 772 milyon dollar cərimə olunmasını tələb edir.
Bu, xarici şirkətin rüşvət haqda qanunları pozmasına görə ən böyük cərimə hesab edilir.
Bazar ertəsi Britaniyada da Alstom şirkətinin 2 işçisi Britaniyanın Ağır Saxtakarlıq Ofisi tərəfindən 2002-ci ildən 2010-cu ilə kimi rəsmiləri rüşvətlə ələ almaqda günahkar bilinib. Amma Britaniyada cərimə barədə heç bir məlumat yoxdur.
Hələlik şirkətin özünün də məsələ ilə bağlı hər hansı açıqlaması yoxdur.
