İsa Qəmbər: Mesajlarımızı çatdırdıq
-İsa Qəmbər mitinqdən sonra AzadlıqRadiosuna müsahibəsində İnsan Haqları Günüylə bağlı keçirilən mitinqdə mesajlarını çatdırdıqlarını və məqsədlərinə nail olduqlarını bildirib.
Müsavat başqanı Arif Hacılı da qeyd etdi ki, mitinq uğurlu alınıb, bunun həbsdəki siyasi məhbusların azad olunmasına müəyyən töhvəsi də olacaq.
Mitinq bitdi
Mitinq «Koroğlu» uvertürasının səslənməsiylə başa çatdı. Mitinqdən videoreportajı sonradan AzadlıqRadiosu.az saytında, AzadlıqRadiosunun Youtube səhifəsində və «Hotbird» peykində - ARTV kanalında izləyə bilərsiniz.
Tofiq Yaqublunun anası Gürcüstandan gəlib: "Oğlumun azadlığı üçün mitinqə gəlmişəm" #mitinq http://t.co/wcfhqN01b2
— Islam Shikhali (@mikrobloqqer) 14.12.2014
İsa Qəmbər: O qədər görməmişdirlər ki...
Mitinqin qətnaməsi səsləndirildikdən sonra Müsavatın keçmiş başqanı İsa Qəmbər mitinqdə son sözü söylədi:
- İlham Əliyev hakimiyyəti acgözlüyünü, görməmişliyini hər yerdə göstərir. Hətta siyasi məhbusların həbsində də o qədər görməmişlik ediblər ki, həbsdə olan bütün siyasi məhbusların adlarını sadalamaqla bitmir, bəzilərinin adları yaddan çıxır.