Keçid linkləri

2024, 28 Mart, Cümə axşamı, Bakı vaxtı 23:44

Bakıda gözü çıxarılmış iti belə qurtardılar...


Küçədən tapılan zaman çəkilmiş foto
Küçədən tapılan zaman çəkilmiş foto

-

Fotoda gördüyünüz it bir neçə ay əvvəl paytaxt Bakının bir küçəsində tapılıb.

“BARS” adlı Sahibsiz Heyvanlara Qayğı ictimai Birliyinin üzvüləri bu iti gözü çıxarılmış, ayağı əzilmiş, dərisi xəstə halda tapmışdılar.

Gözləri çıxarılsa da, zavallı heyvanın üzündən qorxu və yalvarış oxunurdu...

Ac və taqətsiz it ölümünü gözləyərkən, birlik üzvləri onun yardımına yetişərək, onu heyvan sığınacağına aparıblar. Könüllülərin hesabına burada itin müayinə və müalicəsinə başlayıblar.

Müayinə zamanı məlum olub ki, itin gözünə kimyəvi maddə tökülübmüş.

Müalicə başlanıb. İtin ayaqları və dərisi sağaldılıb... Zavallının gözlərini bərpa etmək mümkün olmur. Çarə ona qalır ki, əməliyyatla itin gözündəki çürümənin qarşısı alınır.

Bu gün it görməsə də, rahat gəzə və hürə bilir...

Cəmiyyətimizdə canlılara əzab- əziyyət verənlərlə yanaşı, onlara sahib çıxan, qayğı göstərən insanların olması çox sevindiricidir.

Unutmayaq ki, eynən insanlar kimi, heyvanların da yaşamaq haqqı var. Onlar da, eynən insan kimi, ağrıdan qıvrılır və xoş münasibətdən xoşhallanırlar...

Bu da müalicədən sonra itin çəkilmiş fotosu:

Müalicədən sonra itin görüntüsü
Müalicədən sonra itin görüntüsü

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG