Keçid linkləri

2024, 28 Mart, Cümə axşamı, Bakı vaxtı 18:05

Muiznieks: «Dəyişikliklər insan haqları problemini daha da dərinləşdirir»


Nils Muižnieks
Nils Muižnieks

-

“QHT-lərə xarici qrantların verilməsinə dair yeni qanunvericilik dəyişiklikləri Azərbaycan hökumətinə imkan verir ki, vətəndaş cəmiyyətini daha çox nəzarətdə saxlasın. Bu dəyişikliklər ölkənin insan haqları problemlərini daha da dərinləşdirir”. Bunu Avropa Şurasının İnsan Haqları komissarı Nils Muiznieks (@CommissionerHR) tvitter hesabında yazır.

Qeyd edək ki, Prezident İlham Əliyev Milli Məclisin oktyabrın 17-də qəbul etdiyi “Qeyri-hökumət təşkilatları (ictimai birliklər və fondlar) haqqında” və “Qrantlar haqqında” qanunlara dəyişiklik və əlavələr haqqında qanunları imzalayıb. Bu düzəlişlər QHT-lərin xarici mənbələrdən maliyyələşdirilməsini daha da sərtləşdirir. Belə ki, QHT-lərin xarici maliyyə mənbələrinin hesabına işləri və xidmətləri Ədliyyə Nazirliyində qeydiyyata alınan müqavilələr əsasında həyata keçirilir, işlərin qeydiyyatsız həyata keçirilməsi inzibati məsuliyyət nəzərdə tutur. Bundan başqa, xarici donor Azərbaycanın icra hakimiyyəti orqanlarının razılığını aldıqdan sonra qrant verə bilər.

Avropa Şurasının İnsan Haqları komissarı Nils Muiznieks AzadlıqRadiosuna son müsahibəsində ümidini bildirmişdi ki, “növbəti bir neçə ay ərzində QHT qanunu və onun tətbiqinə yenidən baxmaq imkanları yaranacaq”. O, həmin məsələni Ədliyyə naziri Fikrət Məmmədovla görüşündə də qaldırdığını deyirdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG