Vertolyotun vurulmasından sonra Dağlıq Qarabağ ətrafında vəziyyət

ATƏT erməni pilotlarının qalıqlarını neytral ərazidən çıxarmaq istəyir?

^{ATƏTin xüsusi missiyası Dağlıq Qarabağda Azərbaycan və erməni tətərflərinin təmas xəttində atəşkəs rejiminin monitorinqini keçirmək niyyətindədirlər. Bu haqda xəbər verən erməni separatçıları müşahidəçilərin Əskəran istiqamətində cəbhə xəttinə baş çəkəcəklərini deyir. Lakin ehtimal olunur ki, əslində söhbət vurulan erməni vertolyotunun pilotlarının cənazələrini götürməkdən gedir. Belə ki, AzadlıqRadiosunun erməni xidmətinə müshaibəsində qondarma Dağlıq Qarabağ prezidentinin mətbuat katibi David Babayan bildirib ki, Xankəndində səfərdə olan ATƏT nümayəndəsi Andrzej Kasprzyk (Anjey Kasparjik) vertolyotun vurulduğu yerə gedəcək. Onun sözlərinə görə, neytral zonada olan həmin ərazini atəş altında saxlayan Azərbaycanın hərəkəti onu təəccübləndirmir, çünki onun sözlərinə görə, "Azərbaycan dövlətinin faşist təbəti var". Lakin Babayan iddia da edir ki, Azərbaycan tərəfi ilə atəşin dayandırılması istiqamətində danışıqlar gedir}

Azərbyacan müdafiə nazilriyi Erməsnistana cavab verir

^{Müdafiə nazirlyinin bəyanatında deyilir: "Düşmən tərəfi növbəti dəfə hər hansı hərbi əməliyyata əl atsa, Azərbaycan Silahlı Qüvvələrinin işğalçılara dərhal vuracağı zərbə hədsiz dərəcədə təsirli, məhvedici olacaq, külli miqdarda itkilər və dağıntılarla nəticələnəcək, uzun müddət onların yaddaşlarından silinməyəcək". Sənədlə daha təraflı burada tanış ol}

Pilotsuz təyyarələrin mütəxəssisləri Rusiydan Ermənistana gəlir

^{Ermənistanla Azərbaycan arasındakı hərbi balansı müzakirə edən ekspertlər Ermənistandakı Rusiya hərbi hissələrinin də xüsusi rol oynadığını qeyd edirlər. Bu günlərdə Gümrüdəki Rusiya hərbi bazasına pilotsuz təyyarələr üzrə mütəxəssislərin gəldiyi bildirlir. Rusiya Silahlı qüvvələrinin Cənub dairəsinin mətbuat xidmətindən Regnum agentliyinə bildiriblər ki, Erməsnitandakı bazada plana uyğun kadr dəyişikliyi keçirilib. Moskvadan gələn yeni kadrlar arasında pilotsuz təyyarələrin idarə olunması üzrə ixtisaslaşan hərbçilər də var. Bildirlir ki, "Qranat", "Leyer" və "Zastava" kimi təyyarələrin idarə olunması üzrə təlim keçən bu mütəxəssislər dağ şəraitindəki xüsusiyyətlərin nəzərə alınmasını bilirlər. Xəbərdə qeyd olnur ki, düzən yerlərdən fərqli olaraq, dağlıq ərazilərdə pilotsuz təyyarələrin uçuşunu təmin etmək üçün müxtəlif əlavə meteo amillərin nəzərə alınması vacibdir.}

^{Rusiyanın Ermənistandakı bazasındakı kadr dəyişikliyinin regiondakı gərginliklə üst-üstə düşməsi təsadüfdür, yoxsa Azərbaycana xəbərdarlıq - bu haqda tezliklə AzadliqRadisounda ekspertlərin fikrini təqdim edəcəyik.}