Keçid linkləri

2024, 28 Mart, Cümə axşamı, Bakı vaxtı 23:47

Bakı II Beynəlxalq İdman Filmləri Festivalına hazırlaşır


II Bakı Beynəlxalq İdman Filmləri Festivalının logosu
II Bakı Beynəlxalq İdman Filmləri Festivalının logosu

-

Mədəniyyət və Turizm Nazirliyi, Gənclər və İdman Nazirliyi və Milli Olimpiya Komitəsinin təşkilatçılığı ilə noyabrın 18-dən 21-dək Nizami Kino Mərkəzində II Bakı Beynəlxalq İdman Filmləri Festivalı (BBİFF) keçiriləcək.

FİCTS - İdman Kino və Televiziya Filmləri Beynəlxalq Federasiyasının üzvü olan Bakı festivalı 2015-ci il Azərbaycanda keçiriləcək I Avropa Oyunları ərəfəsində idmanın bir çox növlərinə həsr olunan filmləri təbliğ etmək, ən yaxşı filmlərin müəlliflərini həvəsləndirmək məqsədi daşıyır.

Nazirliyin yaydığı xəbərə görə, II Bakı Beynəlxalq İdman Filmləri Festivalına 33 ölkədən 115 film daxil olub.

Festivalın seçim komissiyası onların arasından 23 ölkəni təmsil edən 48 filmi seçərək müsabiqəyə buraxıb.

Filmlər 5 kateqoriya üzrə bölünüb:

Bədii film
İdman və şəxsiyyət
İdman və dünya
TV filmləri
Milli film

Birinci festivalla müqayisədə builki festivala təqdim olunan Azərbaycan filmlərinin və televiziya proqramlarının sayı əhəmiyyətli dərəcədə artıb. Nazirlik bunu Avropa Oyunları ərəfəsində idmana artan marağın göstəricisi kimi qiymətləndiririr.

Festival günlərində müsabiqə filmlərinin nümayişi ilə yanaşı Nizami Kino Mərkəzində dünyanın məşhur foto ustalarının idman mövzusunda olan işlərindən ibarət sərgi təşkil olunacaq.

Festivala qatılacaq film müəllifləri və idman mütəxəssislərinin KİV təmsilçiləri ilə görüşləri nəzərdə tutulub.

Dünyada tanınan idman xadimlərinin, Olimriya və dünya çempionları, eləcə də, Avropa ölkələrinin Milli Olimpiya Komitələrinin rəsmi nümayəndələri və FİCTS-in rəhbərliyinin festivalda iştirakı gözlənilir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG