Keçid linkləri

2024, 28 Mart, Cümə axşamı, Bakı vaxtı 22:42

Çılpaq rəssam hamının gözü önündə qulağını kəsdi


Polislər qulağının qanı axan rəssamı damdan düşürürlər, 19 oktyabr 2014
Polislər qulağının qanı axan rəssamı damdan düşürürlər, 19 oktyabr 2014

-

Qalmaqallı rus rəssamı Pyotr Pavlensky özünün növbəti aksiyasını keçirib.

Rəssamın dediyinə görə. bu, psixiatriyanın siyasi məqsədlərlə istifadəsinə etirazdır.

AzadlıqRadiosu NTV kanalına istinadla xəbər verir ki, o, Moskvadakı Psixiatriya İnstitutunun (tam adı: Serbski adına İctimai və Məhkəmə Psixiatriyası Dövlət Elmi Mərkəzi) damına lüt çıxaraq orada bıçaqla onlarla adamın gözü önündə qulağının sırğalığını kəsib.

O, aksiyasını "Kəsib atma" adlandırıb:.

"Bıçaq qulağın sırğalığını bədəndən ayırır. Psixiatriyanın beton divarları isə ağıllı adamları xəstələrdən ayırır. Psixiatriyanın siyasi məqsədlərlə istifadəsi metoduna qayıtmaqla polis aparatı ağılla ağılsızlıq arasında sərhədi cızmaq hakimiyyətini özünə qaytarmış olur. Ağ xalatlı bürokratlar psixiatriya diaqnozları ilə silahlanaraq cəmiyyətin o hissələrini kəsib atırlar ki, ona hamı üzərində hökmranlıq etməyə mane olur".

Pavlensky-ni damdan hadisə yerinə gəlmiş polislər düşürüblər.

Bu, rəssamın ilk belə etiraz aksiyası deyil. Bu ilin fevralında o, Ukraynadakı inqilabı dəstəkləmək üçün küçədə maşın şini yandırmış, ötən ilin noyabrında isə Qızıl meydanda xayalığını yerə mismarlamış, prezident Putinə qarşı mahnı oxuduqları üçün tutulan Pussy Riot qrupuna hökm oxunanda isə ağzını tikmişdi.

Son illərdə onu bir neçə dəfə ruhi xəstəxanaya aparıb müayinə ediblər. Amma hər dəfə xəstə olmadığı haqda rəy verilib.

Peterburqlu rəssam bu hərəkətini Daxili İşlər Orqanları Gününə həsr edib. O deyib ki, onun bu hərəkəti "müasir rus cəmiyyətinin apatiyasını, siyasi indifferentliyini və fatalizmini" əks etdirir.
Peterburqlu rəssam bu hərəkətini Daxili İşlər Orqanları Gününə həsr edib. O deyib ki, onun bu hərəkəti "müasir rus cəmiyyətinin apatiyasını, siyasi indifferentliyini və fatalizmini" əks etdirir.

Rəssamlar David Woinarowicz və Petr Pavlensky ağızlarını tikiblər.
Rəssamlar David Woinarowicz və Petr Pavlensky ağızlarını tikiblər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG