ABŞ-ın dövlət katibi John Kerry İsrailin hava zərbələri nəticəsində dağılan Qəzzanın bərpası üçün 212 milyon dollar yardım ayıracaqlarını bildirib.
O bunu oktyabrın 12-də Qahirdə keçirilən donorların görüşündə bəyan edib.
Fələstin hakimiyyəti yenidənqurma üçün 4 milyard dollara ehtiyacı olduğunu bildirir, dünya ölkələrindən kömək istəyir.
Lakin donorlar son 6 ildə 3 dəfə dağıntılara məruz qalan Qəzzaya bu qədər məbləğ ayırmağa ehtiyat edirlər.