Gəncədə peyvənd kampaniyası başlayıb

Gəncə Gigiyena və Epidemiologiya Mərkəzindən verilən məlumata görə, bu aydan qadınlar arasında qızılca və məxmərəyə qarşı vaksinasiyaya başlanıb. Peyvəndə 23-35 yaş arası qadınlar cəlb olunacaq. Vaksinasiya üçün lazım olan bütün tibbi vasitələr artıq şəhərin poliklinikalarına paylanıb.

Bu ilin fevral-mart aylarında 7-23 yaş arası uşaqlar və yeniyetmələr arasında bu xəstəliklərə qarşı peyvənd kampaniyası aparılmışdı.