-
Baş prokuror Zakir Qaralov yazıçı Rafiq Tağının qətli ilə bağlı açılan cinayət işinin üstünün açılmadığını deyib.
APA-nın məlumatına görə, baş prokuror jurnalistlərə açıqlamasında deyib ki, prokurorluq orqanları bağlı qalan bütün cinayət işləri üzrə tədbirləri davam etdirir:
“Çox təəssüf ki, bu cinayət işi hələ açılmayıb və bu, bizi narahat edir”.
Yazıçı publisist Rafiq Tağı 2011-ci il noyabrın 19-da işdən evə qayıdarkən yaşadığı binanın yaxınlığında naməlum şəxs tərəfindən çoxsaylı bıçaq xəsarətləri almışdı. Bir neçə gün Klinik Tibbi Mərkəzdə müalicə olunan Rafiq Tağı noyabrın 23-də xəstəxanada vəfat edib.
Cinayət işi Prezident İlham Əliyevin xüsusi nəzarətindədir.
