Keçid linkləri

2024, 29 Mart, Cümə, Bakı vaxtı 00:34

Təzə iPhone-un cibdə əyilməsi iddiasına Apple-dan cavab


-

“Apple” şirkəti sükutu pozdu.

Təzə çıxan iPhone-6 Plus-un şalvarın cibində, xüsusən cins şalvarın cibində əyilməsi haqda iddialara cavab verdi.

Sentyabrın 9-da satışa çıxarılan mobil telefonun əyilməsi ilə bağlı videolar sosial şəbəkələrdə dövr etməkdədir.

Deyilir ki, poladdan hazırlandığı deyilən korpusu əllə də əymək olar.

(Videoya bax, ardı aşağıda)

“Apple” öz açıqlamasında bildirir ki, normal istifadə edəndə korpus çox nadir halda deformasiyaya uğraya bilər. Ümumiyyətlə indiyəcən onlara müştərilərdən 9 belə şikayət daxil olub.

“Apple” bildirir ki, telefon o zaman əyilə bilər ki, arxa cibə qoyasan və bu cür saatlarla onun üstündə oturasan.

iPhone-6 ilk günlərdə şirkətin böyük uğuru təsiri bağışlayırdı. Öncədən rekord sayda - 10 milyon ədəd sifariş edilmişdi. Amma son günlərdə xüsusən də telefondakı əməliyyat sistemində nasazlıq üzə çıxdığı və bir çox telefon sahibləri mobil operatorla əlaqəni itirdiyi üçün şirkətin səhmlərinin qoyməti kəskin enib. Bu, “Apple”ın bazar dəyərinin 23 milyard dollar azalması ilə nəticələnib.

Şirkət bildirir ki, əməliyyat sistemindəki problem bir neçə günə aradan qaldırılacaq.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG