Keçid linkləri

2024, 29 Mart, Cümə, Bakı vaxtı 00:13

Nobel mükafatının veriləcəyi tarix açıqlandı


Nobel mükafatının medalı
Nobel mükafatının medalı

-

İsveç Akademiyası bu ilki Nobel mükafatlarının veriləcəyi tarixi açıqlayıb:

Azərbaycandan yazıçı, qalmaqallı "Daş yuxular" romanının müəllifi Əkrəm Əylislinin də namizəd olduğu Nobel Sülh Mükafatı sahibini oktyabrın 10-da tapacaq.

Norveç Nobel Komitəsinə ünvanlanan müraciətdə Ə. Əylislinin “Azərbaycan və Ermənistan xalqları arasındakı düşmənçiliyin aradan qaldırılmasında mərdlik göstərdiyi” vurğulanıb. Müraciəti dünyanın müxtəlif ölkələrindən olar, yazarlar, alimlər imzalayıblar.

Sülh mükafatına 1986-cı ildə yəhudi-amerikan yazarı Elie Wiesel (yəhudi soyqırımının dəhşətlərini dünyaya çatdırdığı üçün və insan haqları uğrunda mübarizəyə görə), 2010-cu ildəsə çinli yazar-ədəbiyyatşünas Liu Xiaobo (Çində demokratiya insan haqları uğrunda mübarizəyə görə) layiq görülüblər.

Ədəbiyyat üzrə Nobel mükafatının veriləcəyi tarix yaxın günlərdə elan ediləcək.

Digər Nobel laureatlarının adlarının açıqlanacağı günlər:

Fiziologiya və tibb üzrə - 6 oktyabr

Fizika üzrə - 7 oktyabr

Kimya üzrə - 8 oktyabr

İqtisadi elmlər üzrə - 13 oktyabr

Əkrəm Əylisli
Əkrəm Əylisli

Mükafatçıların adları sözügedən günlərdə Bakı vaxtilə 14 00-15 00 arasında elan ediləcək. Mükafatçılar oktyabrda bilinsə də, mükafatlar sahiblərinə dekabrda - Stokholmdakı mərasimdə təqdim olunur. Hər bir laureata 1,2 milyon dollar (əvvəl 1,4 milyon dollar idi) pul mükafatı da verilir.

Ötən 20 ildə Ədəbiyyat üzrə Nobelə layiq görülən yazarlar:

2013

Alice Munro (Kanada)

2012

Mo Yan (Çin)

2011

Tomas Tranströmer (İsveç)

2010

Mario Vargas Llosa (Peru)

2009

Herta Müller (Rumıniya-Almaniya)

2008

Jean-Marie Gustave Le Clézio (Fransa)

2007

Doris Lessing (Böyük Britaniya)

2006

Orhan Pamuk (Türkiyə)

2005

Harold Pinter (Böyük Britaniya)

2004

Elfriede Jelinek (Avstriya)

2003

John M. Coetzee (Cənubi Afrika)

2002

Imre Kertész (Macarıstan)

2001

Sir Vidiadhar Surajprasad Naipaul (Böyük Britaniya)

2000

Gao Xingjian (Çin)

1999

Günter Grass (Almaniya)

1998

José Saramago (Portuqaliya)

1997

Dario Fo (İtaliya)

1996

Wislawa Szymborska (Polşa)

1995

Seamus Heaney (İrlandiya)

1994

Kenzaburo Oe (Yaponiya)

1993

Toni Morrison (ABŞ)

Bu siyahıda diqqət çəkən məqamlardan biri də odur ki, ABŞ və Yaponiya yazarları Nobelə sonuncu dəfə təxminən 20 il əvvəl layiq görülüblər. Bu il həmin ölkələrdən Philip Roth (ABŞ) və Haruki Murakaminin (Yaponiya) adları mükafata real namizədlər kimi hallandırılır.

Həmçinin oxu
Ədəbiyyat Nobelini almağa bu il ən çox şansı olanlar - Labrokes
XS
SM
MD
LG