Keçid linkləri

2024, 29 Mart, Cümə, Bakı vaxtı 00:39

Səid Nuri özəl həyatına dair videonun «şantaj» məqsədilə yayıldığını deyir


Səid Nuri
Səid Nuri

-

Azərbaycanlı mühacir, ABŞ vətəndaşlığını qəbul etmiş Səid Nurinin intim həyatına dair gizli çəkilmiş video yayılıb.

Səid Nuri tvitter hesabında yazıb ki, Azərbaycan hökuməti ona qarşı çirkin kampaniyaya başlayıb. O, yayılan videoyla bağlı heç bir narahatçılığı olmadığını bildirib:

«Qız dostumla ötən ilin mayında Azərbaycana birlikdə gəlmişdik. Münasibətlərimiz də gizli olmayıb. Sadəcə öz aləmlərində mənə təzyiq edirlər».

Ötən həftə Səid Nurinin Azərbaycandan çıxmasına icazə verilməyib. O, daha sonra Baş Prokurorluqda QHT-lərə açılan cinayət işi ilə bağlı şahid qismində ifadə verib. Səid Nuri ölkədən çıxışına icazə vermədiyinə görə Dövlət Sərhəd Xidmətini məhkəməyə verib.

Səid Nuri «Yeni Fikir» Gənclər Birliyinin üzvü olub. Təşkilatın rəhbəri Ruslan Bəşirli 2005-ci ildə Cinayət Məcəlləsinin 278-ci maddəsi (Hakimiyyəti zorla ələ keçirmə və ya onu zorla saxlama) ilə təqsirləndirilərək həbs olunub. O, Ermənistan xüsusi xidmət orqanları ilə əməkdaşlıqda günahlandırılıb və 7 il həbsə məhkum olunub. Bu işdə adı keçən Səid Nuri şərti azadlıqdan məhrum edilib, az sonra mühacirətə yollanıb.

ABŞ Dövlət Departamenti Azərbaycan hakimiyyətini çağırıb ki, cənab Nurini tam izahatla təmin etsin. Nuri bu günlərdə AzadlıqRadiosuna bildirib ki, Dövlət Departamentindən başqa ABŞ-ın digər rəsmi qurumları onun işi ilə maraqlanırlar.

XS
SM
MD
LG