İlham Əliyev Vladimir Ruşaylonu qəbul edib

Prezident İlham Əliyev sentyabrın 28-də MDB-nin İcraiyyə Komitəsinin sədri - icraçı katibi Vladimir Ruşaylonu qəbul edib. «AzərTAc» İnformasiya Agentliyinin yaydığı məlumata görə, MDB çərçivəsində müxtəlif sahələrdə əməkdaşlığın genişləndirilməsində Azərbaycanın yaxından iştirak etdiyini bildirən dövlət başçısı, MDB onkoloqları və radioloqlarının dördüncü qurultayının Bakıda keçirilməsinin əhəmiyyətini vurğulayıb.
Vladimir Ruşaylo isə Azərbaycanda belə bir mötəbər tədbirin keçirilməsini yüksək qiymətləndirib.
Görüşdə MDB çərçivəsində əməkdaşlıq və bir sıra digər məsələlər barədə fikir mübadiləsi aparılıb.