Keçid linkləri

Təcili xəbərlər
2021, 05 Dekabr, bazar, Bakı vaxtı 00:50

Vaqif Nəsib. Rus qarılarının işidir qaz saxlamaq...


Vaqif Nəsib

-

Rus qarılarının işidir qaz saxlamaq

Bizimkilərinki yas saxlamaq.

Çətindən çətin olur ovqatı saz saxlamaq.

Divardan asılı saz qalıb

Düşmək olmur meydanlara.

Əvvəl əvvəl, axır sirdaş

Elçin Səlcuq yada düşür.

Onu tapa bilməyəndə

Əlac etmək yada düşür.

Badəpərəstə dönənlər

Bax beləcə bada düşür –

Yüyənləri veririk də

Bax beləcə şeytanlara.

Rus matəmi qazlı-qazlı,

Yağlı-yağlı qaz kəsilir.

Bizimkilər hisli-paslı

Ağıdan avaz kəsilir,

Heyf, heyf qarılara

O xanım və xatunlara

Beləcə yas saxlayıram.

İçəndə xristianlara,

İçməyəndə müsəlmanlara...

XS
SM
MD
LG