Sentyabrın 3-də Azərbaycan futbol yığması Rusiya ilə qarşılaşır. Oyun Moskvada “Arena Ximki”-də keçiriləcək.
Bu ərəfədə Rusiya futbol federasiyası bildirib ki, Rusiya yığmasının baş məşqçisi Fabio Capelloya maaş borcu yaxın vaxtda ödənəcək.
Rusiyanın idman naziri Mutko deyib ki, Capello 3 aydır ki, maaş almır.
Capellonun maaşı ildə 8 milyon dollardır.
Dünya birinciliyində Rusiya yığmasının oyunu və göstərdiyi nəticə Rusiyada çoxlarını qane etməsə də, Capello ilə 2018-ci iləcən müqavilə qüvvədə saxlandı.