-
Rusiya Dövlət Dumasının deputatı Ronald McDonald Evi Xeyriyyə təşkilatının fəaliyyətinin yoxlanmasına çağırır. Rusiyanın «İzvestia» qəzeti sentyabrın 1-də yazıb ki, Ədalətli Rusiya partiyasından Andrei Krutov baş prokuror Yury Chaika müraciət göndərib, Rusiyada bu quruma verilən vəsaitin necə xərclənməsini araşdırmağa çağırıb.
«Bu pullar haraya gedir? Göstərilən rəqəmlər nə dərəcədə etibarlıdır?» Krutov soruşur. Deputat iddia edir ki, xeyriyyə təşkilatı xarici qurum olsa da, Rusiya Ədliyyə Nazirliyində xarici agent kimi qeydiyyata alınmayıb.
Ronald McDonald Evi Xeyriyyə təşkilatı 40 il öncə açılıb, məqsədi sağlıq problemləri olan uşaqlara yardımdır.
«Izvestia» yazır ki, təşkilat işində hansısa nöqsanların olmadığını, Rusiyadakı fəaliyyətin qanunvericiliyə tam uyğun gəldiyini bildirib.