-
Avqustun 26-da Vaclav Havel İnsan Haqları Mükafatının seçim paneli toplanır və namizədlər içindən üç nominantdan ibarət qısa siyahını müəyyənləşdirəcəklər. Konfrans Bakı vaxtıyla saat 7-də olacaq.
Panelə Avropa Şurası Parlament Assambleyasının prezidenti Anne Brasseur sədrlik edir və insan haqları sahəsində 6 ekspertdən ibarətdir.
Mükafatın sahibi sentyabrın 28-də müəyyənləşəcək və bir gün sonra açıqlanacaq.
Vaclav Havel İnsan Haqları Mükafatının məqsədi insan haqları müdafiəsinə çalışan vətəndaş cəmiyyəti fəaliyyətini mükafatlandırmaqdır. Hər il AŞPA-nın verdiyi mükafatın dəyəri 60 min avrodur (($79,000)
Mükafat birinci dəfə 2013-cü ildə Belarusdan olan hüquq müdafiəçisi Ales Bialiatski-yə verilib.