Beynəlxalq Qırmızı Xaç Komitəsinin təmsilçisi avqustun 19-da Moskvada Rusiya rəsmiləri ilə Ukraynanın şərqinə humanitar yardımın çatdırılmasını müzakirə edəcək. Rusiyadan yardım karvanı Ukrayna sərhədi yaxınlığında gözləyir. Laurent Corbaz-ım səfərində məqsəd bu problemi çözməkdir.
Rusiya avqustun 18-də bildirib ki, Kiyev və Qırmızı Xaçla razılıq əldə olunub, Ukraynanın şərqinə Rusiyanın humanitar yükü çatdırılacaq.
Bu arada Ukrayna bildirib ki, müharibə zonasından çıxmağa çalışan insan karvanına yaraqlılar hücum edib, “onlarla” dinc sakin öldürülüb. Kiyev karvana avqustun 18-də Luqanskda hücum olunduğunu bildirir, baxmayaraq ki, maşınların üzərində ağ bayraq olub. Rusiyayönlü separatçılar bu məlumatları “sırf təbliğat” adlandırıb.