ABŞ prezidenti Barack Obama Heydar al-Abadinin baş nazirliyə irəli sürülməsini qabağa doğru addım adlandırıb. Massaçusets ştatında məzuniyyətdə olan Obama al-Abadini yeni hökuməti mümkün qədər tez yaratmağa çağırıb.
O bildirib ki, İraq ağır günlərini yaşayır və İraq liderlərini birgə işləməyə çağırıb. Obama İraqın keçmiş baş naziri Malikinin adını çəkməyib.
Maliki isə prezident Fuad Masumu günahlandırıb ki, o, Malikini baş nazirliyə irəli sürməməklə qanunu pozub.
Maliki İraqda təriqətlər arasında davanı qızışdırmaqda ittiham olunur. Onun istefasənı tələb etsələr də Maliki istefa verməkdən imtina edib.