Azərbaycan "Şahdəniz"dən 700 milyon kubmetr qaz əldə edəcək

İlin sonuna qədər Azərbaycan "Şahdəniz" yatağından 700 milyon kubmetr qaz əldə edəcək. Sənaye və Energetika Nazirliyindən verilən məlumata görə, bu yataqdan ilin sonuna qədər ümumilikdə 1.2 milyard kubmetr qaz çıxarılacaq ki, bunun da Azərbaycana çatan hissəsi 700 milyon kubmetr olacaq. Həmin yataqdan çıxan qazın qalan hissəsi Gürcüstan, Türkiyə və BTC.Co şirkətlərinə satılacaq. Amma Türkiyənin Botaş Şirkəti texniki səbəblərdən müqavilədə göstərilən qədər qazı qəbul edə bilməzsə, Azərbaycana satılacaq qazın həcmi arta da bilər.