BMT-nin baş katibi Kofi Annan dünyada dinlərarası yeni-qlobal müharibə təhlükəsiylə bağlı xəbərdarlıq edib. Kofi Annan BMT-nin Baş Assambleyasının sessiyasında çıxış edərkən deyib ki, sivilizasiyalar arasında toqquşma ideyasının əsasını təşkil edən yanlış təsəvvür və stereotiplər getdikcə daha çox yayılır, ya qəsdən yada digər səbəblərdən-başqa insanların inanclarına və müqəddəs saydıqları rəmzlərə həssaslıqla yanaşmamaq halları müşahidə olunur. Bundan isə dünyada dinlərarası müharibəni qızışdırmağa çalışanlar istifadə edir.