Azərbaycan təşkilatı ABŞ həbsxanasında monitorinq aparmaq istəyir

«Azadlıqdan Məhrumetmə Yerlərinin Müşahidəsi» (AMYM) İctimai Birliyi Mərkəzi Kəşfiyyat İdarəsinin gizli həbsxanalarının monitorinqini aparmaq məqsədilə ABŞ-ın Azərbaycandakı səfirliyinə müraciət edib. Birlikdən verilən məlumatda qeyd olunur ki, son vaxtlar ABŞ həbsxanalarındakı vəziyyət dünya ictimaiyyətini narahat etdiyi kimi terrorçuluğa qarşı mübarizədə müttəfiqi olan Azərbaycan cəmiyyətinin də diqqət mərkəzindədir. Bu üzdən də AMYM gizli həbsxanalarda müşahidə aparmaq istəyir.