Beynəlxalq Valyuta Fondu (BVF) Müstəqil Dövlətlər Birliyi (MDB) ölkələrini malların qiymətlərinin artmasının gələcəkdə də davam edəcəyi haqqında xəbərdar edib. Fond bildirir ki, «MDB-nin 12 ölkəsində qısamüddətli artım perspektivləri ümumilikdə yaxşıdır, baxmayaraq ki, onlar hələ də malların qiymətlərinin artmasından ciddi şəkildə asılı qalmaqda davam edirlər».
BVF Azərbaycan, Belarus, Qırğızıstan və Tacikistanda təqaüdlərin və maaşların geniş artmasıyla bağlı isə bildirib ki, bu, istehlakın sürətlə artmasına səbəb olur: «Rəqabət qabiliyyətinə xələl gətirir ki, bununla da istehlak məhsullarının qiymətlərində artımın qarşısını almaq çətin olacaq».