Sentyabrın 18-i və 19-da Gəncə şəhərinin 2500 illik yubileyi qeyd olunacaq. Gəncə Mədəniyyət və Turizm İdarəsinin rəhbəri Mina Məlikova deyir ki, qədimlərdə olduğu kimi, bayram xəbərini şəhərə çaparlar yayacaqlar: «Carçılar əllərində zurna, at belində şəhərin küçələrini gəzib sakinləri bayrama çağıracaqlar».
Mərasimə Bakıdan 200-ə yaxın dövlət və incəsənət xadiminin, ziyalıların qatılacağı bildirilir.