Güney Azərbaycan Milli Oyanış Hərəkatı (GAMOH) avqustun 29-da yaydığı bəyanatda İran Azərbaycanının məktəbliləri və müəllimlərini dərs ilinin ilk gününü-sentyabrın 22-ni boykot etməyə çağırıb. İrandakı azərbaycanlıların milli haqları uğrunda fəaliyyət göstərən bu və bir neçə başqa təşkilat azərbaycanlı tələbə və müəllimlərə müraciət edərək onları məktəblərə getməməklə İran hökumətinin ana dilində təhsilə mane olmasına etiraz etməyə çağırıb.