Prezident İlham Əliyev avqustun 24-də «Global Steel Holdings Ltd.» şirkətinin sədri Pramod Mittalın rəhbərlik etdiyi nümayəndə heyətini qəbul edib. «AzərTAc» İnformasiya Agentliyinin məlumatına görə, cənab Mittal Azərbaycana səfərindən məmnun olduğunu bildirib. O, bu səfərin Azərbaycanda gedən iqtisadi inkişaf prosesləri ilə yaxından tanış olmaq üçün yaxşı imkanlar yaratdığını vurğulayıb. Dövlət başçısı isə Azərbaycanın iqtisadiyyat və digər sahələrdə əldə etdiyi uğurlar barədə qonağa məlumat verib.
Cənab Əliyev avqustun 24-də həmçinin Türkiyənin İğdır Bələdiyyəsinin sədri Nurettin Arasın rəhbərlik etdiyi nümayəndə heyətini də qəbul edib.