«Əli və Nino» səhnələşdirilir
Müəllifinin kimliyi indiyədək geniş mübahisələrə yol açan «Əli və Nino» romanı əsasında teatr tamaşası hazırlanır. Teatr xadimləri İttifaqının Gənclər Mərkəzi, Mədəniyyət və Turizm Nazirliyi, Gənclər və İdman Nazirliyi bu qərara gəlib. «Əsərin qəhrəmanları sanki müəllifin imzasının kodudur» deyən quruluşçu rejissor Elvin Mirzəyev yeni tamaşada məhz Qurban Səidin müəllif göstəriləcəyini bildirib.
Londonda 2-ci Azərbaycan məktəbi açılacaq
«London-Azərbaycan Cəmiyyəti»nin sədri Tale Heydərov «Trend» Agentliyinə məlumatında belə deyib. Onun sözlərinə görə, həmin məktəbdə Azərbaycanın tarix və mədəniyyəti barədə bilgilərin britaniyalılara çatdırılması hədəf götürüləcək.