Azərbaycanı tərk etməyə hazırlaşan «Barmek-Azərbaycan Elektrik Şəbəkəsi» Məhdud Məsuliyyətli Cəmiyyəti bəzi mətbuat orqanlarında onun indiyəcən yığdığı işıq pulunun işə başlayacaq yeni qurum tərəfindən bir daha yığılacağı barədə yayılan məlumatları təkzib edib. Müəssisə bildirir ki, onun yaratdığı «Abonent İnformasiya İdarəetmə Sistemi» ilə abunəçidən ikinci dəfə enerji haqqı almaq mümkün deyil. Hər bir abunəçinin 2002-ci ildən bəri ödədiyi vəsait, sayğacla bağlı məlumatlar həmin bazada öz əksini tapıb və kim istəsə öz baza məlumatlarını əldə edə bilər.