Avropa Birliyi ölkələrinin diplomatları Rusiyaya qarşı yeni sanksiyaları razılaşdırıblar. İyulun 29-da qəbul olunan sanksiyalar Rusiya banklarının maliyyə bazarlarına çıxışını, silah, ikili təyinatlı məhsullar və enerji texnologiyları idxalını məhdudlaşdırır.
Diplomatlar Azadlıq Radiosuna deyiblər ki, yeni sanksiyalar iyulun 31-də qüvvəyə minəcək.
Avropa Birliyi ölkələrinin səfirləri Brüsseldə günorta toplantısında Rusiyaya qarşı sanksiyalar siyahısına daha 8 fərdi, o cümlədən Putinin yaxın biznes tərəfdaşı olan 4 şəxsi və 4 biznes qurumunu əlavə edib.
Onların adları iyulun 30-da açıqlanacaq.
İndiyə kimi Avropa Birliyinin sanksiya siyahısında 87 fərdin və 20 biznes qurumunun adı var.
