Özünü İraq və Şam İslam Dövləti (İŞİD) adlanan yaraqlılar İraqın Mosul şəhərində 600 yaşı olan məscidi dağıdıb.
Məscidi əsasən şiələr ziyarət edirdi.
İŞİD yaraqlıları Mosulda başqa müqəddəs sayılan ziyarətgah və məscidləri dağıdıb. O cümlədən, adı İncil və Quranda keçən Yunus peyğəmbərin də qəbrinin olduğu deyilən məscid partladılıb.
İŞİD iyun ayından İraqın bəzi ərazilərini, ölkənin ikinci şəhəri Mosulu işğal edib.