-
Venesiya Festivalının baş mükafatı - Qızıl aslan“ uğrunda Almaniyada yaşayan türk əsilli rejissor Fatih Akın da yarışacaq.
Onun festivalda premyerası olacaq “The cut" filmi 1915-ci ildə Osmanlı İmperiyasında baş vermiş “erməni qətliamı”ndan bəhs edir.
Filmdə Nazareth Manoogian adlı gənc doğma Mardin kəndindən sürgün edilir, deportasiyadan sonra öyrənir ki, qızları sağ ola bilər. O, müxtəlif məkanlara üz tutub qızlarını axtarmağa başlayır.
Filmdə Kanadada yaşayan erməni aktrisa Arsinée Khanjian da çəkilib.
Film almancadır.
Festival avqustun 27-də başlanır.
Türkiyə mətbuatı yazır ki, Almaniyada və Avropanın digər ölkələrində yetərincə tamaşaçısı olan Fatih Akın Türkiyədə çox tanınmır, filmlərinə çox baxılmır. Onun bundan əvvəl çəkdiyi "Soul Kitchen"adlı komediyası Türkiyədə 800 min lirə toplamışdı. Halbuki filmin Almaniyadakı nümayişi 20 milyon, İspaniyadakı nümayişi 1 milyon, İtaliyadakı nümayişi isə 3,5 milyon lirə yığmışdı.
"Soul Kitchen" filmi Venesiya Festivalında Jürinin xüsusi prizini qazanıb…
"Soul Kitchen" filminin treyleri
