-
Latviyanın xarici işlər naziri Edgar Rinkevich ölkəyə girməsi qadağan edilmiş şəxslərin siyahısını genişləndirib.
"Qara siyahı"ya Oleg Gazmanov, İosif Kobzon (həm də Rusiya Dumasının üzvüdür) və Valeriya da salınıb.
Özü də "Novaya volna" mahnı müsabiqəsinə 1 gün qalmış.
Rinkevich 2 gün qabaq öz Twitter hesabında yazmışdı ki, "imperializm və təcavüzü dəstəkləyən" musiqiçilərin Latviyaya gəlməsinə imkan verməyəcək.
Xarici İşlər Nazirliyi sözügedən şəxslərin Ukraynanın ərazi bütövlüyünə qarşı yönələn aksiyalarda iştirakına bu cür cavab verib.
Hər üç müğənni prezident Putinin Ukrayna siyasətini dəstəkləyən bəyanatlara imza atmışdılar.
