-
Almatı, Pekin və Oslo 2022-ci il Qış Olimpiadasının keçirilə biləcəyi ölkələr siyahısında finala çıxıblar. Bu qərarı Beynəlxalq Olimpiya Komitəsi (BOK) verib. Digər namizədlərdən bəziləri geri çəkiləndən sonra bu 3 şəhər qalmışdı.
Oslonun da siyahıda qalıb-qalmayacağı sual doğurur, çünki Norveç hökuməti hələlik bu namizədliyi dəstəkləməyib.
BOK idarə heyəti iyulun 7-də 3 finalçını təsdiqləyib. Şəhərlər 2015-ci ilin yanvarınadək təkliflərini ətraflı şəkildə BOK-a təqdim etməlidirlər.
2022-ci il Qış Olimpiadasına ev sahibliyi edəcək ölkə gələn il iyulun 31-də Kuala Lumpurda seçiləcək.