Kimi deyir, kofe can dərmanıdı, kimi də deyir, ondan ziyanlı şey yoxdu. Avropaya Türkiyədən gətirilmiş qəhvə bir çox görkəmli şəxsiyyətlərin sevimli içkisi olub.
Søren Kierkegaard
Danimarka filosofu Kyerkeqor haqda belə demək olar: qəhvəni qəndlə içməzdi, qəndi qəhvə ilə yeyərdi. Çünki kofesinə 30-can qənd parçası atarmış.
Onun 50-dək kofe fincanı varmış. Köməkçisinə tapşırarmış ki, hər dəfə birini seçsin.
Theodore Roosevelt
Teddy Roosevelt
Amerikanın 26-cı prezidenti T.Roosevelt günə bir qallon (təxm. 3,8 litr) kofe içərmiş. Oğlu sonradan demişdi ki, atasının kofe fincanı az qala vanna boydaydı…
Johann Sebastian Bach
Johann Sebastian Bach
Böyük alman bəstəkarı Bax qəhvəni o qədər xoşlayırmış ki, hətta şair Picander-in məzəli şeirinə “Kofe Kantatası” da bəstələyibmiş. Bu musiqi əsərində Vyanada qəhvəxanaların artmasından narazı olanlar ələ salınır. O zaman kübar cəmiyyətdə “qara camaatın getdiyi, kirli-tüstülü” qəhvəxanalara pis baxırdılar.
Ludwig van Beethoven
Ludwig Van Beethoven
Digər dahi alman bəstəkarı Bethoven o dərəcədə qəhvəbaz imiş ki, hər fincanına 60 kofe dəni üyüdərmiş. Onun bir şakəri də varmış. Xoşu gəlməyən adama ironiya ilə deyərmiş ki, “bəlkə getməmişdən qabaq bir fincan kofe içəsən”.
Benjamin Franklin
Benjamin Franklin
Amerika dövlətinin banilərindən olmuş Franklin hələ Londonda yaşayarkən günü qəhvəxanada keçərmiş. O, siyasi yığıncaqları da qəhvəxanada keçirər, burada şahmat oynayarmış. Franklin hətta bacısına deyibmiş ki, ona göndərdiyi məktubların ünvan yerinə qəhvəxananın ünvanını yazsın. Həm də biznesmen olan Franklin özü də qəhvə satırmış. Və hamıya məsləhət görərmiş ki, dənizə çıxanda qəhvə tədarüklərini özləri görsünlər, çünki gəmi kapitanının ehtiyatı səfərin sonunadək bəs eləməyə bilər.
Volter
Voltaire
Böyük fransız mütəfəkkiri Volter, deyilənə görə, günə 40-50 fincan kofe içərmiş. Həkimlər ona məsləhət görərmiş ki, bu qədər içməsin, kofe onun axırına çıxa bilər. Buna baxmayaraq Voltaire 80 ildən çox yaşamışdı. O, kofe haqda belə deyibmiş: “Hətta əgər kofe zəhərdisə, gec təsir edən zəhərdi”.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
