Keçid linkləri

2017, 27 Aprel, Cümə axşamı, Bakı vaxtı 05:49
-

Türkiyənin «Sabah» qəzetinin yazdığına görə, Kann (Cannes) Festivalının münsiflər heyətində yer alan iranlı aktyor Leyla Hatemi-nin Fransa rejissoru Jacob-u yanağından öpməsi İran Mədəniyyət Nazirliyinin etirazını doğurub. Nazirlik bu davranışı «Dünyada pis təəssürat yaratmamalıyıq», deyərək tənqidə tutub.

İran mədəniyyət nazirinin müavini Hüseyin Nushabadi dövlətə məxsus İRİB telekanalında çıxış edərək Leyla Hatemi-nin davranışını bəyənmədiyini bildirib:

«Beynəlxalq tədbirlərə qatılanlar iranlıların etibar və iffətini (gözütox davranmasını – red.) diqqətə almalıdır. Belə olarsa, iranlı qadınlar dünyada pis təəssürat oyatmazlar».

O, Hatemi-nin Kann Festivalına qatılmasının İranın dini dəyərlərinə uyğunsuz olduğunu da vurğulayıb.

Avropanın ən nüfuzlu film festivallarından sayılan Kann Kino Şənliyində məşhur qırmızı xalının üzərində gedərkən yanaq-yanağa öpüşmə adi davranışdır. Oskar mükafatlı Leyla Hatemi 2011-ci ildə çəkilmiş «Bir ayrılıq» («A Seperation») filmindəki roluyla kinosevərlərin diqqətini çəkmiş və 2012-ci ildə «ən yaxşı xarici film» nominasiyasında Oskar mükafatına layiq görülmüşdü. Beləcə, Leyla Hatemi-ni bütün dünyada tanıtmışdı.

Fransa mediası yanaq öpüşünün ənənəvi bir davranış olduğunu xatırladaraq, bunun əl sıxmaq qədər təbii olduğunu yazıb.

Sənin fikrin

Şərhləri göstər

Günün bütün mövzuları

XS
SM
MD
LG