Keçid linkləri

2024, 29 Mart, Cümə, Bakı vaxtı 04:25

Rauf Mirqədirova yaxınları ilə görüşə və telefonla danışmağa icazə verilmir


Rauf Mirqədirov
Rauf Mirqədirov
-


«Zerkalo» qəzetinin əməkdaşı, hazırda Milli Təhlükəsizlik Nazirliyinin təcridxanasında saxlanan Rauf Mirqədirov «törətməkdə təqsirləndirildiyi əməlin xarakterinə görə» yaxınları ilə görüşə və ya telefonla danışa, o cümlədən ona istədiyi qəzet verilə bilməz.

Rauf Mirqədirovun vəkili Elmar Süleymanov AzadlıqRadiosuna deyir ki, bu, jurnalistlə bağlı istintaqı aparan müstəntiqin qərarıdır:

«Bizə bu qərarı bu gün, yəni mayın 12-də təqdim elədilər. Həmin qərar mayın 7-də verilib. Bu qərardan sabah Bakının Səbail rayon məhkəməsinə şikayət edəcəyik».

Vəkil əlavə edir ki, onlar həm də Rauf Mirqədirovun həbs olunandan bəri məhkum hüquqlarının pozulmasından, yəni istədiyi mətbuatın ona verilməməsindən, o cümlədən yaxınları ilə görüşünə və ya telefonla danışmasına imkan yaradılmamasından məhkəməyə şikayət ediblər:

«Rauf Mirqədirov aprelin 19-da saxlanıb. Mayın 7-nə kimi, yəni müstəntiq bu qərarı verənə qədər o, məhbus hüquqlarından istifadə etməli idi. Amma onun bu hüquqları pozulub».

2010-cu ilin avqustundan Türkiyədə yaşayan «Ayna», «Zerkalo» qəzetlərinin şərhçisi Rauf Mirqədirov aprelin 19-da Türkiyədən deportasiya olunub və daha sonra Bakıda həbs edilib. O, «dövlətə xəyanət»də ittiham olunur. Jurnalist ittihamları rədd edir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG