Keçid linkləri

2024, 29 Mart, Cümə, Bakı vaxtı 02:55

Keçmiş AXCP üzvü Daşqın Məlikov azadlığa buraxılıb


Daşqın Məlikov
Daşqın Məlikov
-
Ötən ilin martında həbs olunan Sumqayıtdan olan gənc fəal Daşqın Məlikov mayın 8-də azadlığa buraxılıb.

Bu barədə AzadlıqRadiosuna Daşqın Məlikovun atası Əlisafa Məlikov məlumat verib. O, bildirib ki, oğlu xəstəliyi ilə bağlı (Daşqın Məlikov asma xəstəsidir) azadlığa çıxmasına 1 il 5 ay qalmış məntəqə tipli cəzaçəkmə müəssisəsinə köçürülüb.

Narkotik maddə saxlamaqda ittiham olunan gənc fəal Daşqın Məlikov Sumqayıt şəhər Məhkəməsinin hökmü ilə 2 il 6 ay müddətinə azadlıqdan məhrum edilmişdi. O, ittihamları qəbul etmirdi. Həbsinin siyasi fəaliyyəti ilə bağlı olduğunu bildirən Daşqın Məlikov bir müddət sonra həbsxanadan bəyanat yayaraq AXCP-dən istefa verdiyini və hakim Yeni Azərbaycan Partiyasına keçdiyini bildirmişdi.

Azadlığa çıxdıqdan sonra Daşqın Məlikov Heydər Əliyevin məzarını ziyarət edib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG