-
Bu şeirlər "Ədəbi Azadlıq-2014" müsabiqəsinin münsiflərindən bal alsa da, bu, 20-liyə keçmək üçün yetərli olmayıb.
Fərid Həsənzadə
Nifrət
səni sevən birini sevməməkdi
ən böyük cəza
ya da üzünü görəndə qusmağın gələn
bir adamın səni çox istəməsi
ağzını yumub
gözünü açmaqdan ibarətdir
əslində həyat
onsuz da bu dünya ağzını açıb
səni udacağı günü gözləyir
səbirsizliklə
kitabı yoxdu həyatın
kitabsızdı həyat!
ona görə də
məktəbdə dərslərini yaxşı oxuyanlar
“həyat”dan kəsildilər
özümdən bilirəm...
gücsüzlər meşədə məhv olardı əvvəllər
indi doğulmağa qorxurlar
insanlara baxıb şükür eləyir
yırtıcılar
daha ceyranlar özləri girir
şirlərin ağzına
mərhəmət - ən gülməli sözdü indi
vicdan-dan bir az qabaq
dəyişmişdi dünyasını, yadımdadır
unutma
bunun adı həyatdı
sənin adın insan
içindəki nifrət qədər varsan
Vəssalam !
Sinonim
Üşüyür uşaqlar
nəm salfet sata-sata
Elə hey qızarır şaxtadan
öpüşə həsrət yanaqlar
Qışqırır: beşi bir manata
Bilinmir satan kimdi,
alan kimdi
Beş dənəsi bir manata – cümləsi
üşüyürəm, acam –sözləriylə sinonimdi
Allah kəssin belə sinonimi!
Qayğıdan bezən adamlardan
borc istəyən baxışlar
Vallah, olan kimi qaytaracam borcumu – demək
ağlamaqdan həlak olan gözlərlə
İnsaf dinin yarısıdır – cümləsini
əlində bayraq edən ADAMLARA!
Getmək vaxtıdı bəlkə də
Yox olmaq vaxtı
ən azı görünməz olmaq
bəlkə uşaqlar da güldü bir gün...
Bu şeirlər "Ədəbi Azadlıq-2014" müsabiqəsinin münsiflərindən bal alsa da, bu, 20-liyə keçmək üçün yetərli olmayıb.
Fərid Həsənzadə
Nifrət
səni sevən birini sevməməkdi
ən böyük cəza
ya da üzünü görəndə qusmağın gələn
bir adamın səni çox istəməsi
ağzını yumub
gözünü açmaqdan ibarətdir
əslində həyat
onsuz da bu dünya ağzını açıb
səni udacağı günü gözləyir
səbirsizliklə
kitabı yoxdu həyatın
kitabsızdı həyat!
ona görə də
məktəbdə dərslərini yaxşı oxuyanlar
“həyat”dan kəsildilər
özümdən bilirəm...
gücsüzlər meşədə məhv olardı əvvəllər
indi doğulmağa qorxurlar
insanlara baxıb şükür eləyir
yırtıcılar
daha ceyranlar özləri girir
şirlərin ağzına
mərhəmət - ən gülməli sözdü indi
vicdan-dan bir az qabaq
dəyişmişdi dünyasını, yadımdadır
unutma
bunun adı həyatdı
sənin adın insan
içindəki nifrət qədər varsan
Vəssalam !
Sinonim
Üşüyür uşaqlar
nəm salfet sata-sata
Elə hey qızarır şaxtadan
öpüşə həsrət yanaqlar
Qışqırır: beşi bir manata
Bilinmir satan kimdi,
alan kimdi
Beş dənəsi bir manata – cümləsi
üşüyürəm, acam –sözləriylə sinonimdi
Allah kəssin belə sinonimi!
Qayğıdan bezən adamlardan
borc istəyən baxışlar
Vallah, olan kimi qaytaracam borcumu – demək
ağlamaqdan həlak olan gözlərlə
İnsaf dinin yarısıdır – cümləsini
əlində bayraq edən ADAMLARA!
Getmək vaxtıdı bəlkə də
Yox olmaq vaxtı
ən azı görünməz olmaq
bəlkə uşaqlar da güldü bir gün...