-
Bu şeirlər "Ədəbi Azadlıq-2014" müsabiqəsinin münsiflərindən bal alsa da, bu, 20-liyə keçmək üçün yetərli olmayıb.
Vahid Aslan
“Azadlıq nəğmələri” silsiləsindən
1. Dostumdan məktub
... Yazırsan ki,
Indi daha çox
Xatirələrə dönmək istəyirsən,
- Uşaqlıq və gənclik illərinə,..
Yazırsan ki,
Indi ikimizin də
Qırx yaşımız var,
- Uşaqlıq və gənclik adlı
Bir ortaq yaddaşımız var,..
Yazırsan ki,
Hər gələn gün
Əvvəlkindən
Daha maraqsız olduqca
Xatirələrə dönmək istəyir adam;
Xatirələr də üz çevirirsə
Yığışıb getmək istəyirsən dünyadan,..
Daha sonra,
Bir parta arxasında oturmağımızdan,
Biri-birimizlə yarışa girib,
Ən yaxşı oxumağımızdan,
Pəncərəsi bizim sinfin
Pəncərəsi ilə üz-üzə olan
Sinfin qızlarından,
Qızların
Pəncərədən asılı qalan baxışlarından,
Dağların ətəyinə sığınan
Kəndimizin payız tənhalığından,
yaz yağışlarından
Yazırsan, uşaqlıq dostum!
Sonra
Tələbəlik illərinə qayıdırsan;
- Azadlıq meydanı -
Azadlıq hayqıran,
Köləlik zəncirlərini qıran,
Barrikadaları yaran
Milyonlar dənizindən yazırsan!
Böyük hərflərlə yazdığın
Azadlıq sözünün sonuna
Qoyduğun nida işarəsi
Göz yaşlarına işarədi,
Görürəm,
Azadlıq deyincə
Hönkürüb ağlayırsan,
Indi qəriblikdə -
Bir parça çörək ucbatından
- Uzaq Sibirdə
Vətən deyib ağlayırsan!
Ağlayırsan,
Azadlıq sevdasından
Meydanlarda
Gecə-gündüz
Ac-susuz qalmağına,
Neft xalqındır deyənlərin
Vədlərinə aldanmağına
Ağlayırsan, gənclik dostum!
Yazırsan ki,
Uşaqlığımız tez ötüşdü,
Gəncliyimiz burulğana düşdü,
Qarabağ döyüşlərində
Aldığın yaralardan,
Indi də qolunda, qıçında
Gəzdirdiyin askollardan
Yazırsan, dostum!
Yazırsan ki,
Düşməndən aldığın yaralar
Sağala bilərdi,
Özümüzünkülərdən aldığın
Yaralar olmasaydı,..
Yazırsan ki,
Oralarda özünü
Torpağına həsrət qalan daş kimi,
Yuvasından perik düşən quş kimi
hiss edirsən!
Mən buralarda – vətəndə
Azad və məsudammı?
Yenə sən, dərdini anladırsan,
Mən tanıya bilmirəm halımı,
gənclik dostum!
04.05.13.
2. Dostuma məktub
... Biz azadlıq dəlisiydik, dostum!
Gecələr də
Meydanı tərk etmirdik,
Azadlıq əldən gedər deyə,..
Biz azadlıq uğrunda
Hazır idik canımızdan keçməyə,
Yetmiş ildən sonra
Əlimizə düşən fürsətə
Dəlicəsinə sarılmışdıq!
Köksümüzdə ürək yerinə
Azadlıq yanğısı vardı,
Başımızda azadlıq havası...
Bizi nə imperiyanın
Tankı qorxudurdu,
Nə də qara fitvası,..
Bizi seçdiyimiz yoldan
Döndərə bilməzdi kimsə;
Bizimki haqq davasıydı,
haqq davası!
Bu dəfə imperiya
Yaxın düşə bilməyəcəkdi bizə,
Azadlıq istəyi
Üçrəngli bayraq kimi
Dikəlmişdi qəlbimizə;
Hər birimiz yeriyən bayraq idik!
Bir olduq da yenilmədik!
Bu dəfə imperiya
Yaxın düşə bilmədi bizə!
Sonra...
Xatırlayırsanmı nələr olduğunu,
Xatırlayıb ağlayırsanmı, dostum!
Sonra azadlığı uğrunda
Ölmək istədiklərimiz
Imkan vermədilər dadına baxaq,
Azadlıq şirin olurmuş, ya acı?..
Bir onu anlayırıq ki:
- Azadlıq – köləliyin bağrını dələn
Dar ağacı!
...Heç unuda bilmədik o möhtəşəm illəri,
O günlərdən doğuldu azadlıq nəğmələri!
25.05.13.
Gözəl Krım
Ürəyində TÜRK sevgisi,
başında TURAN sevdası
olan tüm arkadaşlara!
Krım, Krım, gözəl Krım!
Bu gününü görüncə
Gözlərim qan ağlayır,
Günahın nə?..
Suçun nə?..
Hikkəm bağrımı yarır,
Gözəl Krım!
Ah... necə oldu bir gün
Ayrıldın Türk elindən,
Məsud, sevimli cocuqkən
Əlim qopdu əlindən,
Sən Turanın bir parçası,
Türkün ən gözəliykən
Adın dönüb Tatar oldu
Varyaqların dilində,..
Gözəl Krım!
Tələ qurub bəklədilər,
Bizi yaman təklədilər,
Elimizi ayırdılar,
Əlimizi ayırdılar,
Qəlbimizə kimsə hakim olamadı,
Qəlbimizdə öz adını
Itirmədi Bağçasaray!
Gəlib yenə Türkü tapdı
Ürəyindən qopan haray!
Krım, Krım, gözəl Krım!
Unutmayaq, kimlər olub
Bizi bizdən ayıran,
Unutmayaq, bir olunca
Sən TURANSAN, mən TURAN!
17.03.14.
Bu şeirlər "Ədəbi Azadlıq-2014" müsabiqəsinin münsiflərindən bal alsa da, bu, 20-liyə keçmək üçün yetərli olmayıb.
Vahid Aslan
“Azadlıq nəğmələri” silsiləsindən
1. Dostumdan məktub
... Yazırsan ki,
Indi daha çox
Xatirələrə dönmək istəyirsən,
- Uşaqlıq və gənclik illərinə,..
Yazırsan ki,
Indi ikimizin də
Qırx yaşımız var,
- Uşaqlıq və gənclik adlı
Bir ortaq yaddaşımız var,..
Yazırsan ki,
Hər gələn gün
Əvvəlkindən
Daha maraqsız olduqca
Xatirələrə dönmək istəyir adam;
Xatirələr də üz çevirirsə
Yığışıb getmək istəyirsən dünyadan,..
Daha sonra,
Bir parta arxasında oturmağımızdan,
Biri-birimizlə yarışa girib,
Ən yaxşı oxumağımızdan,
Pəncərəsi bizim sinfin
Pəncərəsi ilə üz-üzə olan
Sinfin qızlarından,
Qızların
Pəncərədən asılı qalan baxışlarından,
Dağların ətəyinə sığınan
Kəndimizin payız tənhalığından,
yaz yağışlarından
Yazırsan, uşaqlıq dostum!
Sonra
Tələbəlik illərinə qayıdırsan;
- Azadlıq meydanı -
Azadlıq hayqıran,
Köləlik zəncirlərini qıran,
Barrikadaları yaran
Milyonlar dənizindən yazırsan!
Böyük hərflərlə yazdığın
Azadlıq sözünün sonuna
Qoyduğun nida işarəsi
Göz yaşlarına işarədi,
Görürəm,
Azadlıq deyincə
Hönkürüb ağlayırsan,
Indi qəriblikdə -
Bir parça çörək ucbatından
- Uzaq Sibirdə
Vətən deyib ağlayırsan!
Ağlayırsan,
Azadlıq sevdasından
Meydanlarda
Gecə-gündüz
Ac-susuz qalmağına,
Neft xalqındır deyənlərin
Vədlərinə aldanmağına
Ağlayırsan, gənclik dostum!
Yazırsan ki,
Uşaqlığımız tez ötüşdü,
Gəncliyimiz burulğana düşdü,
Qarabağ döyüşlərində
Aldığın yaralardan,
Indi də qolunda, qıçında
Gəzdirdiyin askollardan
Yazırsan, dostum!
Yazırsan ki,
Düşməndən aldığın yaralar
Sağala bilərdi,
Özümüzünkülərdən aldığın
Yaralar olmasaydı,..
Yazırsan ki,
Oralarda özünü
Torpağına həsrət qalan daş kimi,
Yuvasından perik düşən quş kimi
hiss edirsən!
Mən buralarda – vətəndə
Azad və məsudammı?
Yenə sən, dərdini anladırsan,
Mən tanıya bilmirəm halımı,
gənclik dostum!
04.05.13.
2. Dostuma məktub
... Biz azadlıq dəlisiydik, dostum!
Gecələr də
Meydanı tərk etmirdik,
Azadlıq əldən gedər deyə,..
Biz azadlıq uğrunda
Hazır idik canımızdan keçməyə,
Yetmiş ildən sonra
Əlimizə düşən fürsətə
Dəlicəsinə sarılmışdıq!
Köksümüzdə ürək yerinə
Azadlıq yanğısı vardı,
Başımızda azadlıq havası...
Bizi nə imperiyanın
Tankı qorxudurdu,
Nə də qara fitvası,..
Bizi seçdiyimiz yoldan
Döndərə bilməzdi kimsə;
Bizimki haqq davasıydı,
haqq davası!
Bu dəfə imperiya
Yaxın düşə bilməyəcəkdi bizə,
Azadlıq istəyi
Üçrəngli bayraq kimi
Dikəlmişdi qəlbimizə;
Hər birimiz yeriyən bayraq idik!
Bir olduq da yenilmədik!
Bu dəfə imperiya
Yaxın düşə bilmədi bizə!
Sonra...
Xatırlayırsanmı nələr olduğunu,
Xatırlayıb ağlayırsanmı, dostum!
Sonra azadlığı uğrunda
Ölmək istədiklərimiz
Imkan vermədilər dadına baxaq,
Azadlıq şirin olurmuş, ya acı?..
Bir onu anlayırıq ki:
- Azadlıq – köləliyin bağrını dələn
Dar ağacı!
...Heç unuda bilmədik o möhtəşəm illəri,
O günlərdən doğuldu azadlıq nəğmələri!
25.05.13.
Gözəl Krım
Ürəyində TÜRK sevgisi,
başında TURAN sevdası
olan tüm arkadaşlara!
Krım, Krım, gözəl Krım!
Bu gününü görüncə
Gözlərim qan ağlayır,
Günahın nə?..
Suçun nə?..
Hikkəm bağrımı yarır,
Gözəl Krım!
Ah... necə oldu bir gün
Ayrıldın Türk elindən,
Məsud, sevimli cocuqkən
Əlim qopdu əlindən,
Sən Turanın bir parçası,
Türkün ən gözəliykən
Adın dönüb Tatar oldu
Varyaqların dilində,..
Gözəl Krım!
Tələ qurub bəklədilər,
Bizi yaman təklədilər,
Elimizi ayırdılar,
Əlimizi ayırdılar,
Qəlbimizə kimsə hakim olamadı,
Qəlbimizdə öz adını
Itirmədi Bağçasaray!
Gəlib yenə Türkü tapdı
Ürəyindən qopan haray!
Krım, Krım, gözəl Krım!
Unutmayaq, kimlər olub
Bizi bizdən ayıran,
Unutmayaq, bir olunca
Sən TURANSAN, mən TURAN!
17.03.14.