“Qardaşım ikinci qrup əlildir, 3 uşağı var, 95 manat təqaüd alır. Pay torpağı da yoxdur. Keçən il ünvanlı sosial yardım üçün müraciət etdik. Rəis müavini bizdən təyin olunacaq ünvanlı sosial yardımın 6 aylığını istədi. Razılaşsaq da, sosial yardım təyin olunandan sonra ilk ayını ona verdik, qalanlarını yox”.
Quba sakini Firəngiz Hüseynovanın AzadlıqRadiosunun “Qaynar xətt”inə şikayəti rayon Sosial Müdafiə Mərkəzindəndir. O, 42 yaşlı əlil qardaşı Zabil Hüseynovun ünvanlı sosial yardım üçün müraciət etdiyini, ancaq əlil ailəsinə aylıq cəmi 21 manat məbləğində yardım ayrıldığını deyir:
“Keçən il qardaşıma 110 manat ünvanlı sosial yardım təyin olundu. Biz 6 aylıq yardımı rəis müavininə vermək üçün razılaşdıq və sonradan “yalançı” çıxdıq deyə, bu il növbəti dəfə müraciət edəndə qardaşıma cəmi 21 manat ünvanlı sosial yardım təyin olundu. Bu, bir əlil ailəsini ələ salmaq idi.
- Ünvanlı sosial yardımın miqdarının azlığını nə ilə əsaslandırdılar?
- Dedilər ki, atasının, anasının təqaüdü artıb, ona görə də 21 manatdan artıq yaza bilmərik. Qardaşım anadangəlmə dil qüsurlu əlildir, 3 uşaq saxlayır, nevrozdur, əmək fəaliyyəti ilə məşğul ola bilməz. 95 manatla dolanmaq olar? Atamdan, anamdan çoxdan ayrılıb, ayrıca ailə təsərrüfatı var. Atanın, ananın aldğı təqaüddən qardaşımın ailəsinə nə dəxli var? Əlbəttə ki, bəhanə edirlər”.
Quba rayon Sosial Müdafiə Mərkəzində isə iddiaları əsassız hesab edirlər:
“Onlar rayon prokurorluğuna da şikayət ediblər. Araşdırılıb, şikayətləri təsdiqini tapmayıb. Ünvanlı sosial yardım ailə üzvlərinin gəlirləri əsasında hesablanır. Hər bir ailə üzvü üçün illik ehtiyac meyarı nəzərdə tutulur. Ehtiyac meyarı ümumilikdə hesablanır, ailənin gəliri ailə üzvləri arasında bölünür, ehtiyac meyarından neçə manat az qalırsa, o hissə ünvanlı sosial yardım kimi ailəyə verilir. Zabil Hüseynovun ailə tərkibi haqqında təqdim etdiyi arayışda atası, anası da göstərilib. Onların da gəlirləri göstərilib.
- Zabil Hüseynovun ayrıca ailə təsərrüfatı var. Onun valideynlərinin gəlirlərinin ona bir aidiyyəti varmı?
- Əlbəttə var. ünvanlı sosial yardım üçün müraciət edənin yaşadığı ünvan üzrə verilir. Hesablama aparılarkən ünvanda yaşayan hər bir kəsin gəlirləri nəzərə alınır".
Mərkəzdən bildirdilər ki, təsərrüfatdan ayrılmasının məsələyə aidiyyəti yoxdur.
Zabil Hüseynovsa 95 manat təqaüd və üstəgəl 21 manat ünvanlı sosial yardımla 3 azyaşlını necə böyüdəcəyini bilmir.
Quba sakini Firəngiz Hüseynovanın AzadlıqRadiosunun “Qaynar xətt”inə şikayəti rayon Sosial Müdafiə Mərkəzindəndir. O, 42 yaşlı əlil qardaşı Zabil Hüseynovun ünvanlı sosial yardım üçün müraciət etdiyini, ancaq əlil ailəsinə aylıq cəmi 21 manat məbləğində yardım ayrıldığını deyir:
“Keçən il qardaşıma 110 manat ünvanlı sosial yardım təyin olundu. Biz 6 aylıq yardımı rəis müavininə vermək üçün razılaşdıq və sonradan “yalançı” çıxdıq deyə, bu il növbəti dəfə müraciət edəndə qardaşıma cəmi 21 manat ünvanlı sosial yardım təyin olundu. Bu, bir əlil ailəsini ələ salmaq idi.
- Ünvanlı sosial yardımın miqdarının azlığını nə ilə əsaslandırdılar?
- Dedilər ki, atasının, anasının təqaüdü artıb, ona görə də 21 manatdan artıq yaza bilmərik. Qardaşım anadangəlmə dil qüsurlu əlildir, 3 uşaq saxlayır, nevrozdur, əmək fəaliyyəti ilə məşğul ola bilməz. 95 manatla dolanmaq olar? Atamdan, anamdan çoxdan ayrılıb, ayrıca ailə təsərrüfatı var. Atanın, ananın aldğı təqaüddən qardaşımın ailəsinə nə dəxli var? Əlbəttə ki, bəhanə edirlər”.
Quba rayon Sosial Müdafiə Mərkəzində isə iddiaları əsassız hesab edirlər:
“Onlar rayon prokurorluğuna da şikayət ediblər. Araşdırılıb, şikayətləri təsdiqini tapmayıb. Ünvanlı sosial yardım ailə üzvlərinin gəlirləri əsasında hesablanır. Hər bir ailə üzvü üçün illik ehtiyac meyarı nəzərdə tutulur. Ehtiyac meyarı ümumilikdə hesablanır, ailənin gəliri ailə üzvləri arasında bölünür, ehtiyac meyarından neçə manat az qalırsa, o hissə ünvanlı sosial yardım kimi ailəyə verilir. Zabil Hüseynovun ailə tərkibi haqqında təqdim etdiyi arayışda atası, anası da göstərilib. Onların da gəlirləri göstərilib.
- Zabil Hüseynovun ayrıca ailə təsərrüfatı var. Onun valideynlərinin gəlirlərinin ona bir aidiyyəti varmı?
- Əlbəttə var. ünvanlı sosial yardım üçün müraciət edənin yaşadığı ünvan üzrə verilir. Hesablama aparılarkən ünvanda yaşayan hər bir kəsin gəlirləri nəzərə alınır".
Mərkəzdən bildirdilər ki, təsərrüfatdan ayrılmasının məsələyə aidiyyəti yoxdur.
Zabil Hüseynovsa 95 manat təqaüd və üstəgəl 21 manat ünvanlı sosial yardımla 3 azyaşlını necə böyüdəcəyini bilmir.