İraq məşhur Abu Ghraib həbsxanasını bağlayır

İraq Abu Ghraib həbsxanasını bağladığını elan edib. Həbsxanada olan 2400 məhbus başqa yerlərə köçürülür.

İraq həbsxananın bağlanmağını təhlükəsizlik məsələləri ilə izah edir. Keçən iyulda həbsxanaya yaraqlılar hücum etmişdi və yüzlərlə məhbus həbsxanadan qaçdı.

Səddam Hüseyn dövründə bu həbsxanada minlərlə məhbusa işgəncə verilirdi.
2003-cü ildə Səddam Hüseyn devriləndən sonra artıq ABŞ əsgərləri burda dustaqlara işgəncə verdiklərinin şəklini çəkirdilər.