İlk baxışda onun işi çox asan görünür, satıcıdır, piştaxtanın arxasında dayanır, müştərilərin istədiyini verib yola salır.
Amma rusiyalı biznes məsləhətçisi və treninq proqramları müəllifi Andrei Sizov satıcıya elə dükanın sahibi qədər vacib şəxs kimi yanaşır. O, satıcı və satış üzrə menecerlərin təlimi ilə 15 ildir məşğul olur, 7 kitab müəllifidir.
Sizovun bestseller olan “Uğurlu satış üçün 55 məsləhət” kitabında biznes adamlarına satıcı-müştəri münasibələrinə aid olan, praktikada sınanmış məsləhətlər verilir.
Necə edəsən ki, həm müştərilərə mümkün qədər çox mal satasan, həm də müştərilər səndən yerdən-göyəcən razı qalsınlar.
Kitabı "Qanun" nəşriyyatı Azərbaycan dilinə çevirərək çap edib.
