-
Bu şeirlər son həftələrdə "Oxu zalı"na göndərilmiş əsərlər arasından seçilib çap edilir. Əsərlər münsifə imzasız göndərilib.
Fərid Həsənzadə
Sənə tərəf gəlirəm
Gör nə qədər sevgi qalıb
Ayrılığın dibində?
Sənə tərəf gəlirəm
İki əlim cibimdə
Bir ara hörmət var idi
Sonralar gözdən itdi
Sənə tərəf gəlirəm
Geyimim qeyri-ciddi
Sağlam ürək qalıb ki heç?
Hamısı qırıq-qırıq
Sənə tərəf gəlirəm
Saçım-başım dağınıq
Gözlərinə xəbər göndər
Yollarıma dikilsin
Sənə tərəf gəlirəm
Ərinə de, çəkilsin
Soyuq
Büzüşüb oturmuşam
Dinməz, sakit, kirimiş
Belə soyuq havada
Sənsiz qalmaq var imiş
Əvvəl hərdən gələrdi
Üstümə, gəlmir divar
Gör hansı gündəyəm ki,
Əlimdə əlcəyim var
Damağımda siqaret
Ötürürəm hər anı
Qorxudan çölə çıxmır
Tüstü görüb havanı
Yerişindən bilinir
Tüstünün çox qorxduğu
Hər biri sənsizliyin
Yoxluğun alt çoxluğu
Divarda şəklin də var
Gülür şəkildəki qız
Vallah çox darıxmışıq
Səndən ötrü hamımız
Ordan biri başlayır
Susdurmamış birini
Tüstü səni soruşur
Əlcəyim əllərini
Yerin elə görünür
Bu balaca yuvada
Adamı tərk etməzlər
Belə soyuq havada...
Həna
Nə vaxtsa biri olub
Həyatımda sən adda
Eşitdim evlənirsən
Nişanlanmısan hətta
Düzü bir az pis oldum
Birinci eşidəndə
Sonra keçdi və getdi
İz buraxmadı məndə
Aksesuar sevirdin
Buna da yol tapmısan
Barmağında üzük var
Girməyə qol tapmısan
Nişanlını görmüşəm
Bir sümük, bir dəridir
Sabah xınayaxdın var
Heç hənanın yeridir?
Bu şeirlər son həftələrdə "Oxu zalı"na göndərilmiş əsərlər arasından seçilib çap edilir. Əsərlər münsifə imzasız göndərilib.
Fərid Həsənzadə
Sənə tərəf gəlirəm
Gör nə qədər sevgi qalıb
Ayrılığın dibində?
Sənə tərəf gəlirəm
İki əlim cibimdə
Bir ara hörmət var idi
Sonralar gözdən itdi
Sənə tərəf gəlirəm
Geyimim qeyri-ciddi
Sağlam ürək qalıb ki heç?
Hamısı qırıq-qırıq
Sənə tərəf gəlirəm
Saçım-başım dağınıq
Gözlərinə xəbər göndər
Yollarıma dikilsin
Sənə tərəf gəlirəm
Ərinə de, çəkilsin
Soyuq
Büzüşüb oturmuşam
Dinməz, sakit, kirimiş
Belə soyuq havada
Sənsiz qalmaq var imiş
Əvvəl hərdən gələrdi
Üstümə, gəlmir divar
Gör hansı gündəyəm ki,
Əlimdə əlcəyim var
Damağımda siqaret
Ötürürəm hər anı
Qorxudan çölə çıxmır
Tüstü görüb havanı
Yerişindən bilinir
Tüstünün çox qorxduğu
Hər biri sənsizliyin
Yoxluğun alt çoxluğu
Divarda şəklin də var
Gülür şəkildəki qız
Vallah çox darıxmışıq
Səndən ötrü hamımız
Ordan biri başlayır
Susdurmamış birini
Tüstü səni soruşur
Əlcəyim əllərini
Yerin elə görünür
Bu balaca yuvada
Adamı tərk etməzlər
Belə soyuq havada...
Həna
Nə vaxtsa biri olub
Həyatımda sən adda
Eşitdim evlənirsən
Nişanlanmısan hətta
Düzü bir az pis oldum
Birinci eşidəndə
Sonra keçdi və getdi
İz buraxmadı məndə
Aksesuar sevirdin
Buna da yol tapmısan
Barmağında üzük var
Girməyə qol tapmısan
Nişanlını görmüşəm
Bir sümük, bir dəridir
Sabah xınayaxdın var
Heç hənanın yeridir?